لاہور (سپورٹس رپورٹر) لاہور پولو کلب کے زیراہتمام پنجاب پولو کپ 2018ء کا آغاز ہو گیا۔ پہلے روز صرف ایک میچ کھیلا گیا جس میں نیوایج/ بی بی جے پائپس نے کامیابی حاصل کی۔ اس میچ میں نیوایج /بی بی جے پائپس نے دلچسپ مقابلے کے بعد ریجاس ایسز/پی اے ایف کو 8-5 سے ہرایا۔ نیوایج /بی بی جے پائپس کی طرف سے سلواڈور الاوا نے چار، احمد زبیر بٹ نے تین جبکہ احمد علی ٹوانہ نے ایک گول سکور کیا۔ ریجاس ایسز /پی اے ایف کی طرف سے ڈیگو اریا نے دو جبکہ خوان کروز اریا اور فیصل شہزاد نے ایک ایک گول سکور کیا۔