لاہور(پ ر) ایڈیٹر ماہنامہ’’پھول‘‘ و صدر پاکستان چلڈرن میگزین سوسائٹی محمد شعیب مرزا کو پاکستان رائٹرز گلڈ کی طرف سے ان کی کتاب ’’شرارتی گلہری‘‘ پر ’’رائٹرز گلڈ ایوارڈ‘‘ سے نوازا گیا ہے۔2016ء میں شائع ہونے والی ان کی اس کتاب کو حکومت پنجاب کی طرف سے ’’شفقت تنویر ایوارڈ2016‘‘ بھی دیا گیا تھا۔وہ اس سے قبل بھی کئی اعزازات اور ایوارڈز حاصل کر چکے ہیں۔ ایوارڈ ایک پُر وقار تقریب میں بشریٰ رحمن نے انہیںدیا۔شعیب مرزا کے علاوہ نذیر انبالوی اور ڈاکٹر طاہرہ مقبول کو بھی ان کی کتابوں پر ایوارڈ دیئے گئے۔پروفیسر امجد شاکر نے 35سال بعد بچوں کے ادب کے لیے گلڈ ایوارڈ کے دوبارہ اجراء پر جاوید طفیل اور محمد شعیب مرزا کی کوششوں کو سراہا۔