منفرد لہجے کے شاعر ایوب صدیقی فہمی کو بچھڑے 3برس ہوگئے‘برسی آج منائی جائے گی

کراچی(نیوز رپورٹر) منفرد لہجے کے معروف شاعر ایوب صدیقی فہمی کو ہم سے بچھڑے تین برس ہو گئے ، ان کی برسی آج منائی جائے گی۔ ایوب فہمی علمی اور ادبی گھرانے میں پیدا ہوئے ان کے چھوٹے بھائی محبوب خزاں،بہنیں صالحہ عفت اور عابدہ نکہت بھی شاعرہ ہیں۔ ایوب فہمی اعلیٰ سرکاری عہدے سے ریٹائرڈ ہوئے اور منفردلہجے کی شاعری میں ایک الگ مقام بنایا وہ نامور شاعر نشور واحدی کے خانوادے سے تعلق رکھتے تھے۔