اس جہاں میں ہماری علامت وطن، تو سلامت وطن تاقیامت وطن، مریم نواز کا پاک فوج کی لاجواب کارروائی پر ٹویٹ

اسلام آباد (آن لائن) پاک فوج کی بھارت کیخلاف لاجواب کارروائی پر مریم نواز نے بھی ٹویٹ کیا جس میں انہوں نے قائد اعظم کا ایک بیان شئیر کیا کہ ''دنیا میں ایسی کوئی طاقت نہیں جو پاکستان کا وجود ختم کر سکے''۔ ساتھ ہی انہوں نے کہا اس جہاں میں ہماری علامت وطن تو سلامت وطن، تا قیامت وطن انشاءاللہ۔ اس سے قبل پاکستان کی موجودہ صورتحال پر رد عمل کے طور پر مریم نواز نے ٹویٹر پر اپنی پروفائل پکچر تبدیل کر دی تھی۔ مریم نواز کی پروفائل پر لگی نئی تصویر میں پاکستان کا پرچم نمایاں ہے۔ انہوں نے کہا کہ پاکستان اللہ کی سب سے بڑی نعمت ہے۔ میری دعا ہے کہ اللہ ہمارے پیارے ملک، ہماری سرزمین کی حفاظت فرمائے اور اس پر اپنا کرم کرے۔ پاکستان زندہ باد ہمیشہ۔