پی ایس ایل: آج 2میچ ہونگے، لیگ سے قومی ٹیم کی کارکردگی بہتر ہو گی: عماد وسیم

لاہور(سپورٹس رپورٹر+نمائندہ سپورٹس) پاکستان کرکٹ بورڈ کے زیر اہتمام جاری پانچویں پاکستان سپر لیگ میں آج جمعہ کو دو میچ کھیلے جائیںگے ۔پہلا میچ ملتان سلطانز اور کراچی کنگز کی ٹیموں کے درمیان ملتان میں سہ پہر 2 بجے جبکہ دوسرا میچ پشاور زلمی اور لاہور قلندرز کے درمیان اولپنڈی مین رات 7 بجے شروع ہوگا۔کپتان کراچی کنگز عماد وسیم کا کہنا ہے کہ پاکستان سپر لیگ کے میچز سے قومی ٹیم کی کارکردگی میں بہتری آئیگی۔ ملتان میں ٹی 20 کھیل چکا ہوں، ملتان کا کراؤڈ بہت پر جوش ہوتا ہے جبکہ ڈے ٹائم میں وکٹ مختلف ہوگی‘ امید ہے ہائی سکور گیم ہوگا۔ ملتان کی ٹیم بہت اچھی لیکن کوئی بھی ٹیم فیورٹ نہیں، ٹیم کا وکٹ دیکھ کر فیصلہ کریں گے ۔ ٹیم میں پروفیشنل کھلاڑی ہیں پریشر نہیں ہے۔