اسلام آباد (وقائع نگار خصوصی) فردوس عاشق اعوان نے کہا ہے کہ پاکستان نے دنیا پر ثابت کر دکھایا کہ ہماری امن پسندی کمزوری نہیں ہے۔ ٹوئٹر پر سرپرائز ڈے کے حوالے سے لکھا کہ آج کے دن ہماری بہادر افواج نے بھارتی جارحیت کا منہ توڑ جواب دیا۔ اسی لیے پاک فضائیہ کے شاہینوں کو خراج تحسین پیش کرتے ہیں۔ پاکستان نے دنیا پر ثابت کر دکھایا کہ ہماری امن پسندی کمزوری نہیں۔ اگر جارحیت مسلط کی گئی تو 27فروری کا سرپرائز دشمن کو پھر یاد دلائیں گے۔ فردوس عاشق اعوان نے ایک اور ٹویٹ میں کہا ہے کہ امیر قطر کی پاکستان میں سرمایہ کاری میں دلچسپی کا خیرمقدم کرتے ہیں۔ وزیراعظم کی امیر قطر سے ملاقات میں دوطرفہ تعلقات اور تجارت پر گفتگو ہوئی۔