بہاول پور ( بیورورپورٹ )اسلامیہ یونیورسٹی بہاولپور اور ہائرایجوکیشن کمیشن آف پاکستان کے اشتراک سے انٹریونیورسٹی بیس بال مینزچیمپئن شپ کا آغاز سپورٹس کیمپلس بغداد الجدید کیمپس میں ہو گیا۔ چیمپئن شپ کا افتتاح پرو وائس چانسلر پرو فیسر ڈاکٹر محمد اشرف نے کیا۔پہلا میچ چولستان یونیورسٹی آف ویٹرنری اینڈ اینیمل سائنسز اور پنجاب یونیورسٹی آف لاہور کے درمیان کھیلا گیا۔ پہلے مرحلے میں اسلامیہ یونیورسٹی بہاولپور ، پنجاب یونیورسٹی لاہور، سپیرئیر یونیورسٹی لاہور اور یونیورسٹی آف سینٹرل پنجاب نے کامیابی حاصل کی اور سیمی فائنلز کے لیے کوالیفائی کیا۔ چیمپئن شپ کا فائنل رائو نڈ اتوار کو اسلامیہ یونیورسٹی بہاولپور میں کھیلا جائے گا۔افتتاحی تقریب میں پروفیسر ڈاکٹر آفتاب حسین گیلانی ، امجد فاروق وڑائچ،قاضی عرفان ، محمد نوید، مہوش رزاق اور دیگر تمام ٹیموں اور ان کے آفیشلز نے شرکت کی۔