ایس پی انوسٹیگیشن کی اعلیٰ پولیس افسران کیساتھ کرائم میٹنگ 

 سنجوال کینٹ(نامہ نگار) ایس پی انوسٹیگیشن ڈاکٹر عمارہ شیرازی کی زیر صدارت ڈی پی او آفس اٹک میں کرائم میٹنگ منعقد ہوئی جس میں ضلع بھر سے ایس ڈی پی اوز، ایس ایچ اوز،  ہومیسائیڈ انوسٹیگیشن(HIU) اور تفتیشی افسران نے شرکت کی . ایس پی انوسٹیگیشن نے جرائم کی مجموعی  شرح اور پولیس کی کار کردگی کا تفصیلاً جائزہ لیااورسنگین مقدمات بالخصوص قتل، ڈکیتی  کے زیر تفتیش مقدمات کومیرٹ پر یکسو کرنے بقیہ ملزمان کو گرفتار کرنے اور مجرمان اشتہاریوں  کے خلاف بھر پور کاروائی کرنے کا حکم دیا۔ ایس پی انوسٹیگیشن ڈاکٹر عمارہ شیرازی نے ضلع بھر میں  پتنگ فروشوں  اور پتنگ بازوں  کے خلاف چلائی گئی خصوصی مہم کو مزید تیز کرنے کی ہدایت دی۔