ریاض (آئی این پی )سعودی عرب سے 32 سال بعد سعودی ایئرلائن کی پہلی پروازآج پیر کو بینکاک روانہ ہو گی ۔ تفصیلات کے مطابق آج پیر کو 32 سال کے بعد سعودی ایئرلائن کی پہلی پرواز بینکاک روانہ ہوگی ۔جبکہ تھائی ایئرلائن کی پہلی پرواز مئی کو سعودی عرب پہنچے گی۔ سعودی میڈیا  کے مطابق سعودی عرب اور تھائی لینڈ کے سفارتی تعلقات کی بحالی کے اعلان کے بعد یہ پہلی پرواز ہے۔ قبل ازیں تھائی وزیر اعظم کے دورہ سعودی عرب کے دوران دونوں ممالک کے سفارتی تعلقات کی بحالی کا اعلان کیا گیا تھا۔اس سے پہلے تھائی لینڈ سعودی سیاح کا پسندیدہ ترین مقام تھا جہاں شہری چھٹیاں گزارنے جاتے تھے۔