لاہور: قومی کرکٹ ٹیم کے کپتان بابر اعظم نے پاکستان سپر لیگ 7 کو کامیاب بنانے پر شائقینِ کرکٹ کا شکریہ ادا کیا ہے۔
سماجی رابطے کی ویب سائٹ ٹوئٹر پر اپنے پیغام میں کراچی کنگز کے کپتان بابر اعظم نے لاہور قلندرز کو ایچ بی ایل پی ایس ایل 7 کا فائنل جیتنے پر مبارکباد پیش کی۔ٹوئٹر پیغام میں کپتان بابر اعظم نے کہا کہ لاہور قلندرز اور ملتان سلطانز دونوں ٹیمیں فائنل میں عمدہ کاکردگی کا مظاہرہ کرتی نظر آئیں۔ شاہین شاہ کا کھیل شاندار رہا۔
Congrats @lahoreqalandars for winning #PSL7. Amazing display of performance by both the teams. Remarkable feat by @iShaheenAfridi and commiserations to @iMRizwanPak and @multansultans. I want to thank the fans for making PSL a hit! pic.twitter.com/ftaCvdiM2z
— Babar Azam (@babarazam258) February 28, 2022
پیغام میں بابر اعظم نے مزید کہا کہ ملتان کی ٹیم اور سلطانز کے کپتان کے ساتھ ہمدردی کا اظہار کرتا ہوں۔ شائقینِ کرکٹ کا بھی شکرگزار ہوں کہ انہوں نے پی ایس ایل کو کامیاب کیا۔
خیال رہے کہ اس سے قبل قومی ٹیم کے سابق کپتان اور وکٹ کیپر بیٹسمین راشد لطیف نے کہا کہ کراچی کی مسلسل ہار کی ذمہ دار کمزور ٹیم ہے، موجودہ کپتان بابر اعظم نہیں۔
اپنے حالیہ انٹرویو کے دوران سابق کپتان راشد لطیف نے کہا کہ کراچی کنگز نے مسلسل شکست کھائی۔ اس کی وجہ ڈرافٹ میں کمزور ٹیم کا انتخاب ہے۔
