لاہور (سپورٹس رپورٹر) جناح پولو فیلڈز کے زیراہتمام دوسرے پریذیڈنٹ آف پاکستان پولو کپ میں آج دو اہم میچز کھیلے جائیں گے جس کے بعد پول بی میں سے سیمی فائنلسٹ ٹیموں کا فیصلہ ہوجائے گا۔ دوپہر اڑھائی بجے ڈائمنڈ پینٹس کا مقابلہ ڈی ایس پولو سے جبکہ سہ پہر ساڑھے تین بجے ایف جی پولو کا مقابلہ ماسٹر پینٹس سے ہوگا۔ ایف جی پولو دو میچز جیت کر پول میں پہلی پوزیشن پر ہے جبکہ ڈائمنڈ پینٹس اور ماسٹر پینٹس کی ٹیمیں ایک ایک میچ جیت چکی ہیں۔