قومی ٹین پن باؤلنگ چیمپئن شپ  8 مارچ سے شروع ہوگی

لاہور(سپورٹس رپورٹر)پاکستان ٹین پن بائولنگ فیڈریشن کے زیر اہتمام قومی ٹین پن باؤلنگ چیمپئن شپ 8 مارچ سے راولپنڈی میں کھیلی جائیگی۔ افتتاحی تقریب کے مہمان خصوصی کمشنر راولپنڈی لیاقت علی چٹھہ ہونگے۔ پاکستان ٹین پن بائولنگ فیڈریشن کے صدر اعجاز الرحمان نے بتایاکہ چیمپئن شپ کی تیاریاں ابھی سے شروع کردی گئی ہیں۔ چیمپئن شپ کے افتتاحی روز 8 مارچ کو خواتین کا عالمی دن ہے اس مناسبت سے افتتاحی روز خواتین کے مقابلے منعقد ہونگے۔
سو سے زائد خواتین حصہ لیں گی۔ سیمی فائنل مقابلے 12 مارچ کو اور فائنل 13 مارچ کو ہونگے۔ دس لاکھ روپے کی انعامی رقم رکھی گئی ہے۔ اختتامی تقریب 13 مارچ کو ہوگی۔