پاکستان کو ٹی ٹونٹی بلائنڈ کرکٹ ورلڈکپ کی میزبانی مل گئی

لاہور (سپورٹس رپورٹر) پاکستان کو ٹی ٹونٹی بلائنڈ کرکٹ ورلڈ کپ کی میزبانی مل گئی۔ پاکستان کی میزبانی کا فیصلہ دبئی میں ورلڈ بلائنڈ کرکٹ کے سالانہ اجلاس میں کیا گیا۔ اجلاس کی صدارت سید سلطان شاہ نے کی۔ بلائنڈ ٹی ٹوئٹی ورلڈ کپ رواں برس 20 نومبر سے 3 دسمبر تک کھیلا جائے گا۔ نیوزی لینڈ، جنوبی افریقہ، ویسٹ انڈیز، بھارت، سری لنکا، نیپال اور بنگلہ دیش نے ورلڈ کپ میں شرکت کی تصدیق کر دی۔ آسٹریلیا بلائنڈ کرکٹ ٹیم کی ایونٹ میں شرکت کی تصدیق کا انتظار ہے۔ دوسری جانب بھارت کو پہلے ٹی ٹونٹی ویمنز بلائنڈ ورلڈ کپ کی میزبانی مل گئی۔ یہ ایونٹ دسمبر 2025ء میں تجویز کیا گیا ہے۔ اجلاس میں قوانین میں ترامیم کی بھی منظوری دی گئی۔