اسلام آباد (خبر نگار خصوصی) پاک فوج کے ساتھ رائل سعودی لینڈ فورسز کی ٹریننگ کی اختتامی تقریب ہوئی۔ آئی ایس پی آر کے مطابق رائل سعودی لینڈ فورسز کے ساتھ ٹریننگ کا انعقاد ملتان میں کیا گیا۔ کور کمانڈر ملتان نے بطور مہمان خصوصی مشق کا مشاہدہ کیا۔ کور کمانڈر ملتان نے تربیت کے حاصل کردہ معیار پر اطمینان کا اظہار کیا۔ مشق 15 جنوری سے 26 فروری 2024ء تک جاری رہی۔ مشق پاکستان اور مملکت سعودی عرب کے درمیان دیرینہ برادرانہ تعلقات کو مزید مستحکم کرے گی۔ مشق کا مقصد مشترکہ روزگار کو فروغ دینے اور ایک دوسرے کی تجربات سے فائدہ اٹھانا ہے۔ مشق میں روایتی اور غیر روایتی فیلڈ آپریشنز شامل تھے۔