ہری پور: بس کھائی میں جا گری،  10 افراد جاں بحق،   20 شدید زخمی

ہری پور (نوائے وقت رپورٹ)  خان پور کے علاقے سروبروٹ میں بس کھائی میں گرگئی جس کے نتیجے میں 10 افراد جاں بحق  جبکہ 20  سے زائد افراد شدید  زخمی ہوگئے۔ تفصیلات کے مطابق  حادثہ خان پورکے پہاڑی علاقہ بگراں کے قریب پیش آیا جہاں بس کھائی میں گرگئی۔ حکام نے بتایا کہ حادثے میں  10 افراد جاں بحق ہوگئے جبکہ خواتین سمیت 20  سے زائد افراد زخمی ہوگئے۔ 45 سے 50 افراد سوار تھے۔ ریسکیو حکام  کے مطابق لاشوں اور زخمیوں کو خانپور ہسپتال منتقل کر دیا گیا۔ بس ہلی سے راولپنڈی جا رہی تھی۔