لاہور(نیوز رپورٹر) ترجمان جماعت اسلامی قیصر شریف نے کہا ہے کہ امیر جماعت سراج الحق آج منصورہ میں جماعت اسلامی کی مرکزی مجلس عاملہ کے اجلاس کی صدارت کریں گے۔ اجلاس میں الیکشن کے دوران اور بعد کی صورت حال، موجودہ سیاسی منظر نامہ اور انتخابات میں دھاندلی کے خلاف تحریک سے متعلق امور زیر بحث آئیں گے۔ جماعت اسلامی عوامی مینڈیٹ کے تحفظ کیلئے تمام آئینی اور جمہوری راستے اختیار کرے گی۔