اصغر ندیم سید فائرنگ کیس، 3 مشتبہ فراد گرفتارنامعلوم مقام پر منتقل کر کے تفتیش جاری

لاہور (نامہ نگار) پولیس نے معروف ڈرامہ نگار، شاعر اور ادیب اصغر ندیم سید پر فائرنگ کے مقدمہ میں ملوث تین مشتبہ افراد کو حراست میں لے کر تفتیش شروع کر دی ہے۔ ذرائع کے مطابق پولیس نے گذشتہ روز واپڈا ٹاؤن کے علاقہ میں قائم فلیٹس میں چھاپہ مار کر اصغر ندیم سید پر فائرنگ کے مقدمہ میں ملوث تین مشتبہ افراد کو گرفتار کر لیا اور انہیں تفتیش کے لئے نامعلوم مقام پر منتقل کر دیا ہے۔ ذرائع کے مطابق ملزموں کی عمریں 25 سے 30 سال کے درمیان ہیں اور ان سے مختلف پہلوؤں پر تفتیش کی جا رہی ہے۔ یاد رہے کہ اصغر ندیم سید کو چند روز پہلے شوکت خانم ہسپتال کے قریب دو موٹرسائیکل سوار افراد نے فائرنگ کر کے زخمی کر دیا تھا۔ انہیں بازو اور کمر پر دو گولیاں لگی تھیں اور وہ تاحال نجی ہسپتال میں زیر علاج ہیں۔