لاہور(سپورٹس رپورٹر/ نمائندہ سپورٹس) انٹرنیشنل کرکٹ کونسل کے فل بورڈ کا دو روزہ اجلاس آج سے دبئی میں شروع ہو گا۔ اجلاس کی صدارت آئی سی سی کے چیئرمین سری نواسن کریں گے۔ اجلاس میں غیر قانونی باؤلنگ ایکشنز، اینٹی کرپشن اور اینٹی ڈوپننگ، فیوچر ایف ٹی پی اور آسٹریلیا میں ہونے والے ورلڈ کپ کی حتمی تیاریوں کے جائزے سمیت کئی دوسرے اہم ایشوز پر تبادلہ خیال کیا جائے گا۔ سی بی چیئرمین شہریار خان اور سی او او سبحان احمد دبئی میں موجود ہیں۔بورڈ اجلاس کے بعد آئی سی سی کی دیگر کمیٹیوں کے اجلاس بھی منعقد کئے جائیں گے جس کی صدرارت انٹرنیشنل کرکٹ کونسل کے چیف ایگزیکٹو ڈیوڈ رچرڈسن کریں گے ۔ پی سی بی کے چیف آپریٹنگ آفیسر سبحان احمدان کمیٹیوں کے اجلاس میں پاکستان کی نمائندگی کریں گے۔