ملک دشمنوں کیخلاف  پاک فوج کی شمالی وزیرستان اورخیبرایجنسی میں  کارروائیاں جاری ہیں ،اورچپےچپے پرفوجی جوانوں کوکامیابیاں اورکامرانیاں مل رہی ہیں،خیبرایجنسی اوروادی تیرہ میں جیٹ طیاروں کی بمباری سے مزید 21دہشت گرد اپنے انجام کوپہنچ گئے اوربارہ زخمی بھی ہوئے،جیٹ طیاروں  کی بمباری سے دہشت گردوں کے متعدد ٹھکانے  اوراسلحہ ڈپو بھی تباہ ہوگیا،گزشتہ روز شمالی وزیرستان میں کارروائیوں کے دوران 76 دہشت گرد مارے گئے، آئی ایس پی آر کے مطابق، شمالی وزیرستان کے علاقے دتہ خیل میں سیکورٹی فورسز کی فضائی کارروائی میں غیر ملکیوں سمیت 53 دہشتگرد ہلاک اور6 ٹھکانے تباہ کر دیے گئے۔آئی ایس پی آر کے مطابق سیکورٹی فورسز نے دتہ خیل میں دہشتگردوں کے ٹھکانوں کو نشانہ بنایا جس میں غیرملکیوں سمیت 53 دہشتگرد ہلاک ہوگئے۔