انصاف کو دھمکانے اور مفلوج کرنے کی کوشش کی جارہی ہے: شیخ رشید

اسلام آباد(آئی این پی ) عوامی مسلم لیگ کے سربراہ شیخ رشید نے کہا ہے کہ انصاف کو دھمکانے اور مفلوج کرنے کی کوشش کی جا رہی ہے۔ سپریم کورٹ کے باہر میڈیا سے بات کرتے ہوئے شیخ رشید کا کہنا تھا کہ گزشتہ روز جو کچھ قومی اسمبلی میں ہوا وہ بلا وجہ نہیں ہوا۔ وزراء 5 دن سے ایسی صورتحال پیدا کررہے تھے۔ انہوں نے کہا تمام بڑے بڑے ٹھیکے قطریوں کو مل رہے ہیں۔ جیسے خط سپریم کورٹ میں پیش کئے جا رہے ہیں، ایسے خط تو شہزادہ سلیم نے بھی انارکلی کو نہیں لکھے تھے۔ شیخ رشید نے کہا اب بات سمجھ آ رہی ہے کہ شاہد خاقان عباسی کو کس چیز کی تکلیف ہو رہی ہے۔ شاہد خاقان عباسی نے 747 بیچ کر ائر بلیو بنائی جبکہ قطر میں تعینات پاکستانی سفیر نواز شریف کا ذاتی ملازم ہے۔ انہوں نے کہا سپریم کورٹ سے کرپشن کا تابوت نکلے گا اور بہت جلد قوم کو انصاف ملے گا۔