اسرائیلی فوجی آپس میں لڑ پڑے:11اہلکار زخمی،ہسپتال منتقل

مقبوضہ بیت المقدس (اے این این) جنوبی فلسطین میں قائم ایک فوجی اڈے پر تعینات فوجی اہلکار آپس میں لڑپڑے جس کے نتیجے میں 11اہلکار زخمی ہوئے ہیں۔عبرانی میڈیا رپورٹس کے مطابق جنوبی فلسطین میں عراد کے مقام پر واقع ایک فوجی اڈے پرتعینات فوجیوں میں لڑائی ہوئی۔ فوجیوں میں جھگڑا اس وقت ہوا جب وہ حشیش کھا رہے تھے۔ لڑائی کے نتیجے میں 11 اہلکار زخمی ہوئے ہیں جنہیں علاج کیلئے بئر سبع شہر میں واقع سوروکا فوجی اسپتال منتقل کیاگیا ہے۔اسرائیل کی ملٹری پولیس نے واقعے کی تحقیقات شروع کردی ہیں۔ آرمی چیف نے اس واقعے کو فوج کیلئے شرمناک قرار دیا ہے۔ ان کا کہنا ہے کہ وہ مذکورہ فوجی اڈے کے افسران پر سخت پابندیاں لگائیں گے۔