پنجاب کونسل آف آرٹس اور ڈیرہ غازی خان کے زیراہتمام کلچرل شو، فنکاروں نے ثقافتی رنگ بکھیرے

لاہور(کلچرل رپورٹر)پنجاب کونسل آف آرٹس اورڈیرہ غازی خان کے زیراہتمام فوک سٹوڈیومیں کلچرل شوکاانعقاد ہوا‘ فنکاروں نے ثقافتی رنگ بکھیرے۔ ایڈیشنل چیف سیکرٹری پنجاب عمر رسول، ایڈیشنل سیکرٹری کلچراورپنجاب کونسل آف دی آرٹس کی ایگزیکٹوڈائریکٹرسمن رائے ،کمشنر ڈی جی خان احمد علی اور ایڈیشنل کمشنر اظفر ضیا نے خصوصی شرکت کی۔ تقریب میںگلوکارعلاقائی گیت پیش کیے گئے ۔ پرفارم کرنے والے فنکاروں میں اویس پٹھانے خاں،آصف علی خاں،طارق سیال اور عمربلوچ شامل ہیں۔بتایاگیاہے کہ پنجاب کونسل آف دی آرٹس نے فوک سٹوڈیوکاقیام پنجاب کی تہذیب وثقافت کوپروموٹ کرنے اورفنکاروںکوایک پلیٹ فارم مہیاکرنے کیلئے عمل میں لایا ہے جس کے تحت اس سے قبل راولپنڈی آرٹس کونسل اورگوجرانوالہ آٰرٹس کونسل ثقافتی پروگرامز پیش کرچکی ہیں۔