انڈر19 کرکٹ ورلڈکپ : پاکستان بھارت سیمی فائنل مقابلہ پرسوں ہو گا

لاہور(نمائندہ سپورٹس)انڈر19کرکٹ ورلڈ کپ میں روایتی حریف پاکستان اور بھارت میں سیمی فائنل 30 جنوری کو ہوگا۔قومی جونیئر ٹیم نے گزشتہ روز پریکٹس کی۔ کوچز نے کامیابی کیلئے ٹپس دیں اور حکمت عملی تیار کی۔ کھلاڑی بھارت کیخلاف کارکردگی دکھانے کیلئے پرعزم ہیں۔انڈر 19 ورلڈکپ میں فائنل سے پہلے ہی فائنل میچ کی تیاریاں مکمل کر لی گئی ہیں۔ 30 جنوری کو روایتی حریف پاکستان اور بھارت کی ٹیمیں سیمی فائنل میں ان ایکشن ہوں گی۔