لاہور(نمائندہ سپورٹس)سرفراز احمد اور احمد شہزاد کے درمیان خراب تعلقات کی خبریں گردش کر رہی ہیں۔سابق فاسٹ بائولرشعیب اختر نے کہا کہ احمد شہزاد نے اچھی بیٹنگ کی جس سے دباونیوزی لینڈ کی ٹیم پر بڑھ گیا تھا۔اس دوران اینکر نے سوال کیا کہ احمد شہزاد کو پہلے ٹی ٹوئنٹی میں شامل کیوں نہیں کیا گیا‘ شعیب اختر نے کہا کہ سرفراز احمد احمد شہزاد کو کھیلانا نہیں چاہتے تھے ،اس لیے وہ پہلے میچ میں نہیں کھیلے لیکن سرفراز احمد کو سمجھنا چاہیے کہ وہ نارتھ ناظم آباد کی ٹیم کی نہیں بلکہ پاکستان کی کپتانی کر رہے ہیں۔سرفراز احمد اور کھلاڑیوں کے درمیاں دوریاںبڑھ رہی ہیں۔ ڈریسنگ روم کے ماحول پر فی الحال بات کرنا مناسب نہیں لیکن دورہ نیوزی لینڈکے بعدبتا دوں گا۔ دوسرے ٹی ٹوئنٹی میچ میں حسن علی اور سرفراز احمد کے درمیان تلخی کے مناظر دنیا نے دیکھے تھے ۔