برازیل میں نائٹ کلب میں مسلح افراد کی فائرنگ کے واقعے میں کم از کم 14 افراد ہلاک اور6 زخمی ہوگئے ہیں۔برازیلین پولیس کے مطابق ملک کے شمالی شہر فورٹالیزا میں متعدد مسلح افراد نے ایک نائٹ کلب پر دھاو بول کر اندھادھند فائرنگ شروع کردی۔ جس کے نتیجے میں 14 افراد ہلاک ہوگئے، جن میں زیادہ تر خواتین ہیں۔اس واقعے میں چھ افراد زخمی بھی ہوئے۔ پولیس اس واقعے کی چھان بین کر رہی ہے، امکان ہے کہ واقعہ منشیات فروشوں کے دو گروپوں کے درمیان تنازع کا نتیجہ ہے ۔