بدوملہی:ٹریفک حادثات میں2افراد جان کی بازی ہارگئے،دوزخمی

بدوملہی (نامہ نگار)لاہور نارووال نیوروڈ پر دو مختلف حادثات میں دو نوجوان جان بحق دو زخمی تفصیلات کے مطابق نارنگ کے نواحی گائوں شریف پورہ کے رہائشی حافظ بشارت کا 18سالہ بیٹا انس اپنے دوست شاہ زیب کے ہمراہ ساتھ والے گائوں جارہے تھے کہ سڑک پر کھڑی ٹرالی سے اندھیرے کے باعث ان کی موٹر سائیکل جا ٹکرائے ۔جس کے نتیجے میں انس جان موقع پر بحق جبکہ شاہ زیب شدید زخمی ہو گیا دوسرے واقعہ میں لاہور سے آنے والے کار سواروں نے گائوں غازی ککا کے رہائشی دوموٹر سائیکل سواروںفرحان اور کاشف کوکار کی تیز رفتاری میں کچل دیا۔جس سے فرحان موقع پر جان بحق ہوگیا اورکاشف کی ٹانگ ٹوٹ گئی زخمی ہونے والے شاہ زیب اور کاشف کو فوری طور پر طبی امداد کے لیے ہسپتال منتقل کر دیا گیا ہے۔