کراچی میں پاک بحریہ کی جانب سے میڈیکل کیمپ کا انعقاد

کراچی(صباح نیوز)پاک بحریہ کی جانب سے کراچی کے علاقے شمس پیر آئی لینڈ میں میڈیکل کیمپ کا انعقا د گیا گیا، سیکڑوں مریضوں کو مفت معائنے اور ادویات کی سہولیات فراہم کی گئیں۔ترجمان پاک بحریہ کے مطابق میڈیکل کیمپ کا انعقاد ساحل ایسوسی ایشن اور الفت ویلفیئر فائونڈیشن کے تعاون سے کیا گیا۔میڈیکل کیمپ میں مقامی اور ملحقہ علاقوں سے آنے والے سیکڑوں مریضوں کو مفت معائنے اور ادویات کی سہولیات فراہم کی گئیں۔میڈیکل کیمپ کے انعقاد کا مقصد مقامی آبادی کو موذی امراض سے بچائو کے متعلق آگاہی فراہم کرنا تھا۔