لاہور(سپورٹس رپورٹر) بنگلا دیشی کرکٹ بورڈ نے پاکستانی سٹار آل راؤنڈر عبدالرزاق کو اہم عہدے کی پیشکش کردی ہے۔ بنگلہ دیش کرکٹ بورڈ نے عبدالرزاق سے رابطہ کیا ہے اور انہیں بطور بائولنگ کوچ کی پیشکش کی ہے، جس پر سابق ٹیسٹ کرکٹر نے جواب دینے کیلئے وقت مانگ لیا ہے۔عبدالرزاق پاکستان اس وقت کرکٹ بورڈ میں بطور ریجنل ہیڈکوچ و قومی سلیکٹر کام کررہے ہیں۔بطور آل راؤنڈر قومی ٹیم کی نمائندگی کرتے ہوئے عبدالرزاق نے 343   میچز کھیلے، اپنے 17 سال کیریئر میں انہوں نے 46 ٹیسٹ، 265 ون ڈے اور 32 ٹی ٹوئنٹی انٹرنیشنل میچز  میں حصہ لیا جس میں انہوں نے 6 سنچریوں اور 30 نصف سنچریوں کی بدولت 7 ہزار 419 رنز اسکور کیے۔عبدالرزاق کا بولنگ کیریئر بھی کافی متاثر کن رہا انہوں نے 343 میچز میں 389 وکٹیں حاصل کیں۔