ہمیشہ بلوچوں کے زخموں پر مرہم رکھا بلاو ل بھٹو زرداری

ڈیرہ مراد جمالی(نصیر مستوئی)پیپلز پارٹی کے چیئرمین بلاول زرداری بھٹو نے کہاکہ عوام عمران خان کے جھوٹے دعووں سے بیزار ہوچکے ہیں کمر توڑ مہنگائی نے غریب کو غریب تر کردیا ہے انشا اللہ بہت جلد عوام چھٹکارہ  پائیں گے پیپلز پارٹی بلوچستان کی عوام سے محبت کرتی ہے ماضی میں آصف علی زرداری نے بلوچستان کو رقبہ کے لحاظ سے این ایف سی ایوارڈ گیس رائلٹی فراہم کی پیپلز پارٹی اقتدار میں پہنچ کر بلوچوں کی زخموں پر مزید مرہم رکھے گی ان خیالات کااظہار نودیرو میں سردار زادہ بابا غلام رسول عمرانی سے بات چیت کرتے ہوئے کیا اس موقع پر فریال تالپور بھی موجودتھیں انہوں نے کہاکہ ملک بھر کی طرح بلوچستان میں بھی پیپلز پارٹی کے جھنڈے گاڑ دیئے گئے ہیں بلاول زرداری بھٹو نے کارکنوں کے نام پیغام میں کہاکہ کارکن انتخابات کی تیاریاں کریں تاکہ ووٹ چوروں کو بھاگنے پر مجبور کیا جاسکے اس موقع پر سردار زادہ بابا غلام رسول عمرانی نے چھ فروری کو نصیرآباد کی تحصیل تمبو میں روپاشاخ میں ہونے والے پیپلز پارٹی کے عظیم الشان جلسے کی تیاریوں کے بارے میں آگاہ کیا جس میں پیپلز پارٹی کے کو چیئرمین آصف علی زرداری سمیت مرکزی وصوبائی قیادت بھی شرکت کریں گے۔