روز سے واہگہ بارڈر پر پھنسی بھارتی بیس بال ٹیم پاکستان پہنچ گئی  

لاہور (سپورٹس رپورٹر) ویسٹ ایشیا بیس بال کپ میں شرکت کیلئے بھارتی بیس بال ٹیم پاکستان پہنچ گئی۔ بھارتی بیس بال ٹیم واہگہ کے راستے لاہور پہنچی جس کے بعد ٹیم کو ویسٹ ایشیا کپ میں شرکت کیلئے اسلام آباد پہنچا دیا گیا۔ بھارتی بیس بال سکواڈ کو گزشتہ روز ہی پاکستان آنے کیلئے کلیئرنس ملی تھی۔ اس سے قبل بھارتی بیس بال ٹیم کو واہگہ پر بھارتی حکام نے روک دیا تھا اور ٹیم دو روز سے اپنی حکومت کی جانب سے کلیئرنس کی منتظر تھی۔ بھارتی وزارت کھیل نے اپنی وزارت داخلہ کو خط لکھا تھا اور کہا تھاکہ بیس بال ٹیم کے پاکستان جانے پر اعتراض نہیں، بھارتی ٹیم کو پاکستان جانے کیلئے کسی این او سی کی ضرورت نہیں لہٰذا وزارت داخلہ بیس بال ٹیم کو پاکستان جانے دے۔ خیال رہے کہ ویسٹ ایشیا بیس بال کپ اسلام آباد میں شروع ہوگیا ہے۔ ویسٹ ایشیا بیس بال کپ میں پاکستان، سری لنکا ، فلسطین، بنگلہ دیش، افغانستان اور بھارت کی ٹیمیں شریک ہیں۔