ورلڈاتھلیٹکس فیڈریشن سے منظور شدہ  پہلی کراچی میراتھن آج ہوگی

لاہور(سپورٹس رپورٹر)ورلڈ ایتھلیٹکس فیڈریشن سے منظور شدہ پہلی کراچی میراتھن آج ہوگی، کراچی میراتھن میں 4 مختلف کیٹگریز کی 4 ریسیز ہوں گی۔سی ویو کلفٹن نشان پاکستان پر ہونے والی پریس کانفرنس میں نگراں صوبائی وزیر کھیل و ثقافت ڈاکٹر جنید علی شاہ نے بتایا کہ پاکستان میں یوں تو بہت میراتھن اور ریسز ہوئیں لیکن یہ پہلی میراتھن ہے جو ورلڈ اتھلیٹکس سے منظور شدہ ہے۔ میراتھن میں 42 پوائنٹس 2 کلو میٹر کی میراتھن کیساتھ 21 پوائنٹس 1 کلو میٹر، ریلے ریس کیساتھ 5 کلو میٹر کی فن ریس بھی شامل ہے۔