لاہور(نامہ نگار)انسپکٹر جنرل پولیس پنجاب ڈاکٹر عثمان انور نیایلیٹ ٹریننگ سکول بیدیاں روڈ کا دورہ کیا اور ایلیٹ ٹریننگ سکول میں نئے تعمیر ہونے سولیٹیر solitaire لاجز کی افتتاحی تقریب میں شرکت کی۔ ایس ایس پی مانیٹرنگ ایلیٹ فورس ہیڈکوارٹرز ندا عمر چٹھہ نے سولیئٹر لاجز کا افتتاح کیا، دو منزلہ دلکش عمارت میں مہمانوں کیلئے رہائشی کمرے، ڈائنگ، ڈرائنگ روم، واش رومز، کچن، کیئر ٹیکر روم، ریسپشن روم سمیت جدید سہولیات فراہم کی گئی ہیں، آئی جی پنجاب ڈاکٹر عثمان انور نے کہا کہ سولیٹیر لاجز میں دیگر شہروں سے سرکاری امور کی انجام دہی کیلئے آنیوالے پولیس افسران اور وفود رہائش اختیار کر سکیں گے،پنجاب پولیس اور ایلیٹ فورس افسران کی ٹریننگ کیلئے آنے والے غیر ملکی ماہرین کو بھی انہی لاجز میں ٹھہرایا جائیگا۔