عمران نے نوجوانوں کو ورغلایا ‘ تبدیلی کے نام پر دھوکا دیا:احسن اقبال  

 نارووال ‘شکر گڑھ ( نامہ نگار ) منڈی خیل میں رہنما ن لیگ احسن اقبال نے  خطاب کرتے ہوئے کہا ہے کہ بانی پی ٹی آئی نے نوجوانوں کو ورغلایا ، اور تبدیلی کے نام پر دھوکا دیا‘ ہم ووٹ کی طاقت سے نارووال میں تعلیم اور ترقی لائے ہیں‘ہمیشہ ترقی اور خدمت کی سیاست کی ہے بانی پی ٹی آئی نے اپنے جوانوں کے ذریعے جناح ہاؤس کو جلایا۔ پی ٹی آئی والوں نے کرنل شیر خان کے مجسمے سے فٹبال کھیلا ‘پی ٹی آئی والوں نے فوجی جوانوں کو روڑیمارے ،چھاوئیوں پر حملے کئے۔ ایک مذہبی جماعت ناموس رسالت کے نام پر ووٹ مانگ رہی ہے۔   جو مذہبی جماعت کو ووٹ نہ دے گا وہ کیا کافر ہے۔سابقہ الیکشن میں اس جماعت نے ن لیگ کو 25 سیٹوں پر شکست سبب بنی۔عوام آزاد امیدوار وں کو ووٹ نہ دیں۔ آزاد امیدوار آ پکا ووٹ فروخت کریں گے۔ بلاول بھٹو نے آزاد امیدواروں کو خریدنے کی آفر کردی ہے۔