میں جیل میںہوں تو راولپنڈی والو تمہارے ساتھ وفا کر رہا ہوں،شیخ رشید

راولپنڈی (اپنے سٹاف رپورٹر سے) عوامی مسلم لیگ کے سربراہ شیخ رشید احمد سے ہفتہ کے روز اڈیالہ جیل میں شیخ راشد شفیق نے ملاقات کی ملاقات کے بعد شیخ راشد شفیق نے کہا کہ مجھے 14 روز بعد آج ملاقات کا موقع ملا ہے شیخ رشید احمد نے مْجھے ہدایت کی ہے کہ باہر جا کر راولپنڈی کے لوگوں کو بتائیں کہ جیل میں شیخ رشید کسی مالی کرپشن کی وجہ سے نہیں ہے آج اگر میں جیل میں یوں تو راولپنڈی والو تمہارے ساتھ وفا کر رہا ہوں شیخ رشید احمد نے کہا کہ میں نے اپنی زندگی کے 40 سال اس شہر کے اوپر لگائے ہیں آپ کی بیٹیوں کیلئے 60 تعلیمی اِدارے بنائے ہیں چار یونیورسٹیاں بنائی ہیں ہسپتال بنائے ہیں اگر آج مْجھے جیل میں بند کر کے سمجھتے ہیں کہ اپنی مرضی کا رزلٹ لے لیں گے ایک رزلٹ انہوں نے سوچا ہے اور ایک رزلٹ اللہ تعالیٰ کے فصل و کرم سے 8 فروری کو آئے گا پنڈی والو آپ کو 8فروری کو اپنے گھروں سے نکلنا ہوگا آٹھ بار ممبر پارلیمنٹ رہنے والا 72سال کی عمر میں آپ سے کہہ رہا ہے کہ میں جیل میں رہ کر دوست سے اپنی دوستی نبھائوں گا شیخ راشد شفیق نے کہا کہ آپ پر فرض ہے کہ اس شخص کی عزت میں اضافہ کریں اس شہر کی عزت میں اضافہ کر سکتے ہیں انہوں نے تحریک انصاف کے کارکنوں سے کہا ہے کہ اگر آپ این اے 56 اور 57 کو 8 فروری کو قلم دوات کو ووٹ نہیں ڈالتے ہو تو آپ نوازشریف اور شہباز شریف کے ہاتھ مضبوط کرنے جا رہے ہو ۔