ائیربلیوطیارے کے حادثے کو دو سال مکمل, اسلام آباد میں دعائیہ تقریب کا اہتمام، جاں بحق افراد کے اہلخانہ پیاروں کویاد کرکے روتے رہے

دوسال قبل مارگلہ کی پہاڑیوں سے ٹکرا کر تباہ ہونے والے ائیربلیو طیارے میں سوار ایک سو باون افراد جاں بحق ہوگئے تھے۔ حادثے کو دو سال مکمل ہونے پر اسلام آباد ایچ الیون کے قبرستان میں جاں بحق ہونے والوں کے لواحقین نے دعائیہ تقریب کا اہتمام کیا اس موقع پر مرنے والوں کیلئے فاتحہ خانی اور ان کی قبروں پر  پھول چڑھائے گئے اس موقع پر پیپلز پارٹی کی رکن قومی اسمبلی روبینہ قائم خانی نے لواحقین کو یقین دلایا کہ حادثہ کی جامع اورشفاف تحقیقات کے لیے ایک کمیشن بنایاجائے گا جس میں متاثرہ خاندانوں کو بھی شامل کیا جائے گا، انہوں نے بتایا کہ حکومت کی جانب سے متاثرین کو معاوضوں کی ادائیگی بھی کی جائے گی۔