لاہور (نیوزرپورٹر+خبر نگار) وزیراعلیٰ پنجاب محمد شہبازشریف کی ہدایت پر مشیر صحت خواجہ سلمان رفیق نے لیہ میں سیلاب سے متاثرہ علاقوں کا دورہ کیا اور فلڈ ریلیف کیمپوں میں جاری امدادی سرگرمیوں کا جائزہ لیا۔ خواجہ سلمان رفیق نے بھکری احمد خان‘ شاہ والا اور گورنمنٹ گرلز ماڈل ہائی سکول لیہ شہر میں قائم ریلیف کیمپوں اور محکمہ صحت کی جانب سے لگائے گئے میڈیکل کیمپوں کا دورہ کیا۔ ڈی سی او لاہور کیپٹن (ر) محمد عثمان نے دریائے راوی میں ریسکیو1122اور سول ڈیفنس کی جا ری ایک روزہ مشقوں کا جائزہ لینے کے لیے دریائے راوی کا دورہ کیا۔اس موقع پر ریسکیو 1122، اسسٹنٹ کمشنر (سٹی)، ڈی او (سول ڈیفنس) اور دیگر افسران بھی اُن کے ہمراہ تھے۔ کیپٹن (ر) محمد عثمان نے کہا ہے کہ شہر کے فٹ پاتھوں اور مین روڈز پر تجاوزات کو کسی صورت برداشت نہیں کیا جائے گا۔انہوں نے تمام ٹا ئون ایڈمنسٹریٹرز کو ہدایات دیتے ہوئے کہا کہ وہ اپنے اپنے ٹا ئونز میں فٹ پاتھوں اور مین روڈز پر قائم تجاوزات کو فوری طور پر ختم کر وائیں۔