پاکستان گرین اور وائٹس کا چارروزہ میچ بارش کے سبب بے نتیجہ ختم

لاہور(سپورٹس رپورٹر) انگلینڈ کے خلاف تین ٹیسٹ میچز کی سیریز کی تیاری کے لیے پاکستان گرین اور وائٹس ٹیموں کے درمیان ڈربی میں کھیلا جانے والے دوسرا چار روزہ پریکٹس بارش کی وجہ سے ہار جیت کے فیصلے کے بغیر ختم ہو گیا۔ میچ کے دوسرے اور چوتھے روز بارش کی وجہ سے کھیل کا بڑا وقت ضائع ہو گیا۔ گذشتہ روز بھی میچ کے چوتھے روز بارش کی وجہ سے کھیل ممکن نہ ہو سکا جس کی بنا پر فیلڈ امپائرز نے گراونڈ کا معائنہ کرنے کے بعد میچ کو ختم کرنے کا اعلان کر دیا۔ پاکستان اور انگلینڈ کی ٹیموں کے درمیان تین ٹیسٹ میچوں کی سیریز کا پہلا ٹیسٹ پانچ اگست سے مانچسٹر میں کھیلا جائیگا۔