تتہ پانی( نامہ نگار) روحانی پیشواء حضرت قبلہ پیر سید ساون شاہ بخاری بادشاہ ؒ دربارعالیہ جنجوڑہ شریف تتہ پانی کے سالانہ عرس مبارک کی تقریب زیرصدارت پیر سید تفضل حسین شاہ بخاری منعقد ہوئی ، عرس کی تقریب سے مذہبی سکالر وصدر تحریک منہاج القرآن  صاحبزادہ سید علی عباس شاہ بخاری نے خصوصی خطاب کیا اور شان اولیاء پر تفصیلا روشنی ڈالی، جبکہ ثناء خوانوں نے بحضور سرور کونین ﷺ عقیدت کے پھول نچھاور کئے،اختتامی دُعا سجادہ نشین دربارعالیہ بنڈہور شریف تتہ پانی صاحبزادہ پیر سید اکرام حسین شاہ بخاری نے فرمائی جس میں ملک کی سلامتی، کشمیر وفلسطین اور دیگر محکوم اقوام کی آزادی،امت مسلمہ کے اتحادواتفاق،کرونا وائرس سے نجات کیلئے خصوصی دُعا کی گئی، بعدازاں لنگر تقسیم کیا گیا۔