گجرات (نامہ نگار) پاکستان مسلم لیگ (ق) کے سینئر مرکزی رہنما چوہدری پرویز الٰہی کے وزیراعلیٰ پنجاب بننے پر دوسرے روز ظہور الٰہی پیلس گجرات میں جشن کا سماں رہا، مسلم لیگ ق اور پی ٹی آئی کے قافلے چوہدری ظہور الٰہی ہائوس پہنچتے رہے جنہیں انچارج چوہدری ظہور الٰہی ہائوس قاضی خالد سیف اللہ نے خوش آمدید کہا۔ چوہدری پرویز الٰہی زندہ باد، چوہدری وجاہت حسین زندہ باد، چوہدری مونس الٰہی زندہ باد، چوہدری حسین الٰہی زندہ باد کے نعرے گونجتے رہے۔ مبارکباد دینے آنے والے قافلوں کی مٹھائی سے تواضح کی جاتی رہی۔ خوشی سے کارکن ڈھول کی تھاپ پر بھنگڑا ڈالتے رہے۔ دوسری جانب پی ٹی آئی کے کارکنان کا جی ٹی ایس چوک میں ڈھولوں کی تھاپ پر رقص۔ ہاتھوں میں پارٹی پرچم تھام کر آئی آئی، پی ٹی آئی‘ آئی‘ عمران خان زندہ باد کے نعرے لگاتے رہے۔ اس دوران آتشبازی کا بھی شاندار مظاہرہ کیا گیا۔
گجرات/ جشن