لاہور(اسپورٹس رپورٹر)کراچی میں پاکستان ویمنز ہاکی ٹیم کی انڈور ہاکی کی تیاری کیلئے انوکھا آو¿ٹ ڈور کیمپ لگایا گیا ہے۔ذرائع کے مطابق اس انوکھے کیمپ میں کھلاڑیوں کے پاس پریکٹس کیلئے نہ انڈور ہاکی ہے، نہ انڈور گیند، نہ انڈور ہاکی کا گول پوسٹ ہے، نہ ہی کھلاڑیوں اور کوچ کو قوانین کا علم ہے۔یہاں تک کے پاکستان ویمنز ٹیم نے نہ کبھی انڈور ہاکی کھیلی اور نہ اس کی کوئی چیمپئن شپ ہوئی ہے۔حیرت انگیز بات یہ ہے کہ اس صورتِحال کے باوجود بھی پاکستان ویمنز ٹیم انڈور ویمنز ہاکی ایشیا کپ کھیلنے تھائی لینڈ جائےگی۔ ہاکی ٹیم کے ہیڈ کوچ کا کہنا ہے کہ کیمپ لگ گیا ہے، جلد انڈور ہاکی اور بال بھی آ جائے گی اور خواتین کھلاڑیوں کو قوانین بھی بتا دیے جائیں گے۔