کراچی: اداکارہ حرا مانی نے دعا زہرہ اور ظہیر سے متعلق متنازعہ بیان پر  تنقید کی زد میں آنے کے بعد معافی مانگ لی۔دوروزقبل حرا نے انسٹا گرام پر پوسٹ کی تھی کہ ان کی دعا ہے دعا اور ظہیر کبھی جدا نہ ہوں جس پر ان کو شدید تنقید کا سامنا کرنا پڑا تھا۔اب حرا مانی نے  دعا اور  ظہیر  کیلئے اپنے دیئے گئے بیان پر تنقید کے بعد دعا زہرہ  کے والدین اور اپنے مداحوں سے معافی مانگی ہے۔انہوں نے انسٹاگرام پر ایک وضاحتی ویڈیو شیئر کی جس میں انہوں نے اپنے دیئے گئے بیان پر معافی مانگتے ہوئے کہا کہ انہیں  اس حوالے سے مکمل معلومات نہیں تھی۔ویڈیو بیان میں حرا نے کہا کہ’ میں اس معاملے پر غلط تھی اور مجھے اپنی غلطی ماننے میں کوئی شرم نہیں اور یہ کہ غلطیوں کو تسلیم کرنے میں کوئی مضحکہ بات نہیں ‘۔