ورلڈ کپ : پاکستان کے سری لنکا ‘بھارت کیخلاف میچ ری شیڈول ہونگے : ذرائع

لاہور(سپورٹس رپورٹر)آئی سی سی ون ڈے ورلڈ کپ کے کچھ میچز کا شیڈول تبدیل ہونے کا امکان ہے۔ ذرائع کا کہنا ہے کہ 12 اکتوبر کو ہونے والا پاکستان اور سری لنکا کا میچ 11 اکتوبر کو جبکہ 15 اکتوبر کو ہونے والا پاکستان‘ بھارت میچ بھی 14 اکتوبر کو ہوگا۔ ورلڈ کپ شیڈول میں تبدیلیوں کا اعلان آئندہ دو سے تین روز میں کردیا جائیگا۔ بی سی سی آئی سیکرٹری جے شاہ نے کہاتھا کہ دو سے تین ممبرز ممالک نے ورلڈ کپ کے شیڈول میں تبدیلی کی درخواست کی ہے، شیڈول میں تبدیلی کا فیصلہ دو سے تین روز میں کیا جائیگا۔ میچ کا وینیو احمد آباد ہی رہے گا جبکہ تاریخ میں تبدیلی کا فیصلہ آئندہ دو سے تین روز میں کر دیا جائیگا۔