قلعہ دیدار سنگھ+فیصل آباد(نمائندہ خصوصی)درندہ صفت ملزم نے نوکری کا جھانسہ دے کر بیوہ کو زیادتی کا نشانہ بنا ڈالا۔ گوجرانولہ کی رہائشی (ز) نے کیبل سے اشتہار دیکھ کر نوکری کے لئے فون کیا تو ملزموں نے انٹرویو کے لیے بلوا لیا۔ گوجرانوالہ باغبانپورہ کی رہائشی بیوہ خاتون(ز) اپنی یتیم بیٹی کے ہمراہ خالہ کے گھر رہتی ہے۔پیٹ پالنے کیلئے  لوگوں کے گھروں میں کام کاج کرتی ہے کچھ روز پہلے کیبل پر ایک اشتہار چل رہا تھا لیڈیز ورکر کی ضرورت ہے اللہ دتہ عرف اے ڈی کے نمبر پر رابطہ کیا گیا تو ملزم نے انٹرویو کے لیے بلالیااور اسلحہ کے زور پر بیوہ سے زیادتی کی۔پولیس نے ملزموں کیخلاف مقدمہ درج کر لیا ہے۔فیصل آباد کے نواحی علاقہ تھانہ کھرڑیانوالہ کے علاقہ میں استاد نے طالب علم کو زیادتی کا نشانہ بنا ڈالا، 100ر ب کا رہائشی بارہ سالہ ارحم ملزم راشد کے پاس ٹیوشن پڑھتا تھا، ملزم نے طالب علم ارحم سے ٹیوشن پڑھانے کے دوران زیادتی کر ڈالی۔ کھرڑیانوالہ پولیس نے بچے کے والد ندیم کی مدعیت میں مقدمہ درج کر لیا ہے۔ پولیس نے ملزم راشد کو گرفتار کر کے مزید کارروائی کا آغاز کر دیا ہے۔