گوجرانوالہ (نمائندہ خصوصی) تھیٹر میں ہلڑ بازی پر دو گروپوں میں فائرنگ سے نوجوان جاں بحق ہو گیا۔ تفصیلات تھانہ کھیالی کے علاقہ میں واقع تھیٹر میں سٹیج ڈرامہ جاری تھا کہ اس دوران ہلڑ بازی کرنے پر دو گروپوں کے درمیان تلخ کلامی کے بعد جھگڑا ہو گیا۔ ملزموں نے طیش میں آ کر فائرنگ کر دی جس کے نتیجے میں گولیاں لگنے سے واصف بٹ نامی نوجوان جاں بحق ہو گیا۔ فائرنگ سے سٹیج اداکاروں اور لوگوں میں خوف وہراس پھیلنے کے ساتھ ہر طرف بھگدڑ مچ گئی۔ ضروری کارروائی کیلئے نعش ہسپتال منتقل کر دی گئی۔