انعم عزیر سمیت 4کوہ پیمائوں نے دنیا کی 12 ویں بلند چوٹی براڈ پیک سر کرلی

لاہور(سپورٹس رپورٹر)پاکستانی خاتون کوہ پیما انعم عزیر نے 8051 میٹر بلند دنیا کی بارہویں بلند چوٹی براڈ پیک کو سر کرلیا۔لاہور کی انعم عزیر براڈ پیک کو سرکرنے والی دوسری پاکستانی خاتون ہیں، اس سے قبل نائلہ کیانی بھی براڈ پیک سر کر چکی ہیں۔براڈ پیک انعم عزیر کے کیرئیر کی دوسری 8 ہزار میٹر سے بلند چوٹی ہے، اس سے قبل انعم عزیز نیپال میں مناسلو پیک بھی سر کرچکی ہیں۔امریکی پاکستانی عمار بٹ نے بھی آج براڈ پیک کو سر کیا ہے، دونوں کوہ پیماؤں نے شہروز کاشف کی نگرانی میں براڈ پیک کو سر کیا، دونوں کے ساتھ ’ہائی ایلٹی ٹیوڈ پورٹر‘ علی اکبر اور علی ہوشی نے بھی براڈ پیک کو سر کرلیا۔بتایا جارہا ہے کہ چاروں افراد گزشتہ روز ساڑھے گیارہ بجے براڈ پیک کے ٹاپ پر پہنچے تھے۔