راولپنڈی(جنرل رپورٹر)پنجاب آرٹس کونسل کے بورڈ آف مینجمنٹ کا اجلاس ممبر پنجاب اسمبلی شازیہ رضوان کی زیر صدارت منعقد ہوا،شازیہ رضوان کا کہنا تھا کہ جشن آزادی فلوٹس کی تیاری کے لیے  وزیراعلیٰ پنجاب مریم نواز نے خصوصی ہدایات جاری کی ہیں۔فلوٹس میں چاروں صوبوں کی نمائندگی کو یقینی بنایا جائے گا، بابائے قوم قائداعظم محمد علی جناح،شاعر مشرق علامہ اقبال اور مادر ملت فاطمہ جنا ح کے مجسمے بھی فلوٹ کا حصہ ہوں گے، ایگزیکٹو ڈائریکٹر غلام صغیر شاہد کا کہنا تھا کہ پنجاب کی تاریخ میں پہلی بار جشن آزادی کے موقع پر پنجاب آرٹس کونسل 2 فلوٹس تیار کر رہی ہے۔ایک فلوٹ جی ٹی روڈ سے ہوتا ہوا راولپنڈی سے لاہور تک کا سفر طے کرے گا جبکہ دوسرا فلوٹ ڈیرہ غازی خان سے ملتان تک صوبے کے شہریوں کو محظوظ کرے گا۔