اراضی ریکارڈ سنٹر کلر سیداں کے عملے کی ریٹائرڈ مدرس کے ساتھ بدتمیزی

کلر سیداں (نامہ نگار) اراضی ریکارڈ سنٹر کلر سیداں کے عملے کی ریٹائرڈ مدرس کے ساتھ بدتمیزی،ٹوکن میں پہلا نمبر ہونے کے باوجود ایک گھنٹہ تک چکر لگواتے رہے۔ریٹائرڈ مدرس عبدالرحمان نے بتایا کہ وہ جمعہ کے روز صبح ساڑھے 8بجے کے قریب اراضی ریکارڈ سنٹر کلر سیداں پہنچے تو اس وقت کوئی بھی اہلکار اپنی سیٹ پر موجود نہ تھا۔انتظار کرنے کے بعد تمام عملہ ساڑھے 9بجے کے قریب ڈیوٹی پر پہنچااور مجھے پہلا ٹوکن جاری ہوا جس کے بعد نقل جاری کرنے کیلئے کاؤنٹر پر موجود اہلکار ٹال مٹول سے کام لیتا رہا اور بغیر کسی وجہ ایک گھنٹے تک انتظار میں رکھا اور میرے بعد 18افراد کو ٹوکن جاری ہوئے اور وہ لوگ مجھ سے پہلے فارغ ہو کر چلے گئے،جب سروس سنٹر کے  انچارج وسیم عباس سے عملے کے رویئے کی شکایت کی تو وہ بھی آگ بگولا ہو گئے اور بدتمیزی پر اتر آئے۔عبدالرحمان نے اراضی ریکارڈ سنٹر کلر سیداں کے معاندانہ رویہ پر سخت احتجاج کرتے ہوئے ڈپٹی کمشنر راولپنڈی سے نوٹس لینے کا مطالبہ کیا ہے۔