جنوبی افریقہ ، امریکہ اور میکسیکو سمیت بیس ممالک کے چار ہزار چھ سو سترہ باشندوں نے فلم کے مختلف کرداروں کا روپ دھارا۔ فلم کی تشہیر کے لیے بچوں اور بڑوں نے اپنے جسم پر نیلا رنگ کرکے نیلا لباس اور سر پر سفید ٹوپیاں پہن رکھی تھیں۔ گنینز بک آف ورلڈ ریکارڈ نے ایک ساتھ دی سمرفس کا روپ دھارنےکی اس کاوش کو عالمی ریکارڈ کے ٹائٹل سے نوازا ہے۔ اس سے قبل فلم کے پریمئیر کے موقع پر سپین کے گاؤں مالا گالا میں تمام گھروں کو نیلا رنگ کردیا گیا تھا۔ کارٹون سیریز سے ماخوذ فلم دی سمرفس کو انتیس جولائی کو ریلیز کیا جائے گا۔