اسلام آباد(آئی اےن پی)سابق پاکستانی فاسٹ باﺅلر سرفرازنوازنے کہا ہے کہ مسلسل خراب کارکردگی پیش کرنے والے کھلاڑیوں اورآفیشلز کے خلاف قومی کرکٹ ٹیم میں آپریشن کلین اپ کیا جائے۔ انہوں نے پی سی بی کے قائم مقام چیئرمین نجم سیٹھی سے مطالبہ کیا کہ خراب کارکردگی کا مظاہرہ کرنے والے کھلاڑیوں اورکوچزکو مزید موقع نہ دیا جائے۔ متوازن ٹیم کے انتخاب کے لیے سلیکشن کمیٹی کو بھی تبدیل کرنا چاہئے۔