ارجنٹائن کے لاویسی کوچ کے مشوروں سے تنگ، منہ پر پانی پھینک دیا

پورٹ الیگرے(آئی این پی)ارجنٹائن کی ٹیم نے نائیجیریا کو دو کے مقابلے میں تین گول سے شکست دی لیکن اس کے باوجود میچ کے دوران ارجنٹائن کے کوچ الیہاندرو سبیلا اپنے کھلاڑیوں کو نصیحت کرنے کا کوئی موقع ہاتھ سے جانے نہیں دے رہے تھے۔ وقفے کے دوران وہ لاویسی کو ایک کونے میں لے جا کر کچھ سمجھانے لگے۔لاویسی کوچ کی باتوں سے زیادہ خوش نہیں ہیں۔ اور شاید یہی وجہ ہے کہ بات چیت کے دوران لاویسی جو پانی پی رہے تھے وہ انھوں نے کوچ کے منہ پر پھینک دیا۔پانی کوچ سبیلا کی آنکھوں میں چلاگیا اور انھیں سمجھ نہیں آیا کہ وہ اس پر کیا کریں۔ ظاہر ہے وہ اپنے ہی کھلاڑی کے خلاف ریڈ کارڈ کا مطالبہ تو کر نہیں سکتے تھے۔